Bokblogger

Ei engasjerende barnebok om fotball og relasjoner.

• Norsk tittel: Kampen
• Forfatter: Espen Mowinckel
• Illustratør: Trond Kulterud
• Sjanger: Born, unge, Fotball
• Antall sider: 34
• Utgivelsesår: 2024
• Utgiver: Panter Forlag

Espen Mowinckel (Født 1953) har mange års ledererfaring frå salg og marknadsføring. «Satisfaction», som kom ut i 2021, er hans debutbok. I 2023 gav han ut «Forsvinningen», og i 2024 «Kampen», som begge er barnebøker.

Brødrene Theo og Adam spiller, snakker og tenker fotball til alle døgnets tider. De drømmer om å bli stjerner i Premier League. Spille på de store stadionene. Nyte stemningen fra titusenvis av fans. Høre Theo- eller Adamsangen. Supersupporter farfar er bombesikker. Snart vil managere i England høre ryktene om to toppspillere i Storvik IF. En dag står de spilleklare på Anfield Stadium. Har drømmen blitt virkelighet? 

Denne boka er eit leseeksemplar frå forfatter. Eg er på ingen måte påverka av dette, og har skrevet min egen subjektive vurdering av «Kampen».

I min bokblogg legg eg ut bøker som eg vil anbefale videre til deg som les den. Difor publiserer eg ikkje bokanmeldelser med karakter 3 eller dårligere. Unntaket er viss forfatter/forlag likevel ynskjer dette.

Dette er ei barnebok der fotball er i fokus, og er bok nr. 2 i serien om Theo og Adam. Den fyrste boka vart utgitt i 2023 og heiter «Forsvinningen». Serien passer fint for born i alderen 6-9 år. Boka kan heilt fint leses frittstående.

Adam er ihuga Liverpool-supporter, medan broren er ihuga Manchester United-supporter. Allereie her borger det for små stikk og diskutering om kven som er det beste laget. Men kva skjer når Adam får debutere som spiss for Liverpool mot sjølvaste Manchester United på Anfield? Og kven i alle dager er det United har henta inn til å spele i forsvaret?

Mowinckel nytter same oppskrift som i forrige bok. Dei to brørne er hos farfaren når ting byrjar å hende. Her kjem også den fine kjemien inn på tvers av generasjoner. Borna har stor glede av å høyre farfaren sine velvalgte ord og livsvisdom, og farfaren har stor glede av å ha barnebarna i livet sitt.

«Farfar, kom og fyr av en salve til, så de sinte menneskene forsvinner lynkvikt. Jeg vil være alene», mumler han.

Alle unge som speler fotball har ein barnlig draum om å få spele for favorittlaget sitt, og kanskje avgjere viktige og store kamper. Dette får Adam muligheten til no. Farfaren har alltid vert ei stor støtte i livet til brørne. Korleis vil Adam respondere på presset når farfaren ikkje står ved sida av han og backer ham opp?

Dette er ei historie som fotballinteresserte born kan assosiere seg med. Dei kan delta i diskusjoner rundt det som skjer, og komme med eigne innspel. Mowinckel klarer med andre ord å få born engasjerte og føle at dei er på heimebane.

Boka er som laget for høgtlesning og for eldre born til å lese den sjølv. Det er ein god del illustrasjoner i den, som skaper tidvis skikkelig fotballstemning. Det er gjenkjennbare spillere, og ein skal ikkje verte overraska om det dukker opp ein kjent manager der også. Trond Kulterud står bak illustrasjonene, og han har nytta sterke fargar og ein klar og tydeleg strek. Det er fine kontraster til teksten, og saman speler både illustratør og forfattar kvarandre gode.

Liverpool-spillerne stormer mot dommeren. Han vinker dem vekk og dømmer utspill fra mål til ville protester. Pipekonserten spidder de mørke skyene. Regnet pøser ned. Rashford flirer hånlig.

Det er enkelte engelske ord og setninger i boka. Det hadde ikkje skada om forfatter oversatte dette, i og med at det er få setninger det er snakk om. Men likefullt skaper det ein viss realisme når personer snakker engelsk.

Bodskapet i boka er eg noko usikker på. Kanskje det er mest ei historie der ein kan lukke augene og spinne videre på historia, eller skape eigne draumer når boka er ferdiglest? Det er uansett ei bok som kan bidra til å auke leselyst og interesse hos born.

Det er ein barnlig humor i boka. Farfaren vert f.eks arrestert inne på stadionet av ein grunn ein ikkje kunne drøymt om. Det er med andre ord litt tull og fjas oppi alvoret. Men er det ikkje slik i alle draumer? Viss dette faktisk er ein draum da? Det får du vite om du les boka.

Flere politibetjenter og vakter i gule vester stormer mot ham. De brekker armene hans bak på ryggen og fester håndjern. To politimenn tar godt tak i overarmene til farfar og fører ham bestemt ut av stadion.

Det er ein enkel historie der det aller meste handlar om fotball, og kampen mellom Liverpool og Manchester United. Innimellom får me også små glimt av den omsorgen farfaren viser for barnebarna, og kor viktig støttespeler han er for barna.

Det er korte kapitler og fleire av sidene er stykka opp av illustrasjoner, som er positivt. Dette held konsentrasjonen til borna oppe, og for dei som kanskje slit med å sjå det som vert fortalt billedlig for seg, har knagger å feste ting på.

«Kampen» er ein fin fortsettelse frå forrige bok i serien. Den er lettlest og passer ypperlig til høgtlesing. Boka er også eit solid bidrag til å få opp leselysta og interessen for bøker blant born, og kanskje særleg gutar.

TERNINGKAST: 4+