Bokblogger

Ei fin og engasjerende bok for born.

• Norsk tittel: Narhvalen – Virkelighetens enhjørning
• Forfatter: Line Renslebråten
• Sjanger: Barn, Dyr, Miljø
• Antall sider: 45
• Utgivelsesår: 2024
• Utgiver: Spartacus Forlag

Line Renslebråten (Født 1980) bur i Asker. Ho er forfattar og illustratør. Renslebråten debuterte som forfattar med barneboka «Under senga» i 2013. Sidan den gong har ho gitt ut ei rekkje fagbøker og sakprosabøker for born og ungdom. Ho er veldig opptatt av natur og miljø, noko som også vises igjen i bokutgivelsene. I 2022 gav ho ut dokumentarboka «Helter fra dyreriket», og i 2024 kom ho ut med «Narhvalen – Virkelighetens enhjørning».

Visste du at enhjørninger faktisk finnes på ordentlig? Virkelighetens enhjørning lever i det iskalde havet langt mot nord og kalles narhval. 
Egentlig er hornet en spiralsnodd fortann som stikker ut av overleppa til hannene hos denne underlige og sky hvalarten. 
I denne boka kan du lære mer om denne mystiske hvalen og følge en ung narhval gjennom polhavets farer tilbake til flokken sin.

Denne boka er eit leseeksemplar frå forfatter. Eg er på ingen måte påverka av dette, og har skrevet min egen subjektive vurdering av «Narhvalen».

I min bokblogg legg eg ut bøker som eg vil anbefale videre til deg som les den. Difor publiserer eg ikkje bokanmeldelser med karakter 3 eller dårligere. Unntaket er viss forfatter/forlag likevel ynskjer dette.

Dette er ei blanding av ei forteljing og ein dokumentar om narhvalen. Boka passar utmerket for born og er rikt illustrert.

Me møter ein flokk med narhvaler i Arktis. Ein unge mister kontakten med flokken sin, og må forsøke å finne den att. Men på si reise så møter den vetle narhvalungen på store utfordringer. Blant anna eit ufrivillig møte med ein spekkhogger som er svolten. Dette viser naturens gang, og at alle dyr treng føde for å overleve. Det er ein fin tematikk og eit godt bodskap i historia, der vennskap og det å hjelpe kvarandre er ein viktig ingrediens.

Boka er i eit stort format. I dette tilfellet er det utelukkende positivt. Her kjem illustrasjonene virkelig til sin rett, og bidreg til å holde konsentrasjonen til born oppe medan ein les.

Ei bok om narhvalen er strengt tatt ei bok som balanserer på ei smal nisje. Likevel er det ein spennende og småskummel historie som borna får ta del i, samtidig som ein lærer meir om narhvalen og livet i Arktis. Eg liker at forfatter trekk fram dyr som det ikkje er flust med barnebøker av. Denne skill seg dermed ut i mengden av bøker.

Renslebråten kjem med fine sammenligninger og paralleller frå menneskelivet som borna kan assosiere seg med. Forfatter er opptatt av natur og miljø, som også reflekteres godt i teksten.

Og når den en gang blir en gamme narhval, forsvinner flekkene langsomt og skinnet blir lysere, som hos gamle mennesker med hår som gråner og til slutt blir hvitt.

Mengden av tekst passer utmerket til høgtlesing. Eg sakna riktignok kapitler for å stykke det opp. Boka har heller ingen sidetal, så her er det frem med bokmerke eller laging av det berømte «eseløyret».

Ein finn mange faktaopplysninger om narhvalen som ein kan ta med seg videre. Som f.eks at narhvalen kan være under vatn i nesten 30 min før den må opp for å puste, kva den lever av, og ikkje minst så er det informasjon om kvifor den har eit stort horn stikkende ut frå nasa. Alt er enkelt forklart og tilrettelagt for at det er born som er mottakere for teksten.

Narhvalhannen har ingen tenner å tygge med, bare to fortenner. Den ene er kort og vokser sjelden ut. Den andre er den fantastiske, lange fortanna. Den eneste rette støttanna i dyreverden.

Etter at historia er ferdig, kjem det meir konkrete fakta om arten. Her kan ein også lese om myter og overtru knytta til dyret, og det står også litt om inuittene og deira relasjon til narhvalen. Og sjølvsagt har Renslebråten med litt om miljøet som truer narhvalen, og kva me mennesker kan bidra med for å redusere miljøproblemet.

Illustrasjonene er uttrykksfulle og fargerike. Ein del mørke farger er det riktignok, noko som er logisk sidan mykje foregår i havet. Det er også teikninger av eit rikholdig dyreliv som både truer og hjelper narhvalen.

«Narhvalen – Virkelighetens enhjørning» er ei barnebok med ein nervepirrende historie, ispedd fengslende faktaopplysninger om narhvalen og livet på Arktis. Dette er ei lita bok i eit stort format med uttrykksfulle teikninger som passar utmerket til høgtlesing.

TERNINGKAST: 4+