Bokblogger

Ein glitrende teikneserieroman om ungdommelige følelser og kjærleik.

• Norsk tittel: Jenter
• Forfatter: Cathrine Sandmæl
• Sjanger: Teikneserie, Roman, Ungdom
• Antall sider: 136
• Utgivelsesår: 2024
• Utgiver: Egmont Kids Media Nordic

Cathrine Sandmæl (Født 1991) er illustratør og forfatter. «Jenter», som vart utgitt i 2024, er hennes fyrste teikneserie.

Eli har akkurat flyttet til et tettsted litt utenfor Oslo. Hun får innpass i en jentegjeng som liker manga og beundrer tegneferdighetene hennes. En av de andre jentene i gjengen heter Nina. Da Eli tullekysser Nina på en bursdag, blir hun forelsket – eller lurer på om hun blir det. For hvordan er det egentlig å være forelsket? Og kysset Nina bare tilbake på gøy, eller var det seriøst? Dette er en morsom og sår oppvekstroman om vennskap og det å finne ut hvem man er – både selv og i forhold til andre.

Denne boka er eit leseeksemplar frå forlaget Egmont. Eg er på ingen måte påverka av dette, og har skrevet min egen subjektive vurdering av «Jenter».

I min bokblogg legg eg ut bøker som eg vil anbefale videre til deg som les den. Difor publiserer eg ikkje bokanmeldelser med karakter 3 eller dårligere. Unntaket er viss forfatter/forlag likevel ynskjer dette.

Dette er ein teikneserieroman som har ungdom som målgruppe.

Me møter Eli som er nyinnflytta. Ho vert mobba, men finn seg likevel ein jentegjeng ho trives i. Nina, som er ei jente i denne gjengen tullekysser ho, og dette får følelsene til Eli til å bruse. No må ho utforske eigne og Nina sine følelser. Men korleis skal ho gå fram, og er følelsene ekte?

Sidan dette er ein roman i teikneserieformat, så er historia og bodskapet like viktig som illustrasjonene.

Illustrasjonene er fargerike og virkningsfulle. Sandmæl er dyktig til å klare å framheve det viktige i historia gjennom sine illustrasjoner. Ho speler mykje på ansiktsuttrykk og fader bakgrunnen delvis ut. Dette forsterker både inntrykk og historie, og er eit godt verkemiddel. Eg må også få berømme måten forfatter løyser miljøskifter på. Dette er stor kunst, og det flyter på ein strålende og overraskende naturlig måte.

Historia er like viktig som den er mesterlig utført. Det handler om ei ung jente som er usikker på egne følelser og egen seksualitet. Ho går gjennom eit vell av tanker, drøymer seg stadig vekk og ser for seg det beste og verste om situasjonen. Det oppstår ein indre uro og kaos av følelser, samtidig som ho er livredd for at nokon skal finne ut at ho er forelska i venninna si.

«Det er som jeg har oppdaget noe nytt, men også noe som alltid har vært inni meg. Noe som bare ventet på å bli oppdaget».

Historia består av 4 kapitler som foregår på tidleg 2000-talet. Sandmæl har teikna inn tidsmessig riktige klær og innredning, og det er generelt meget godt gjennomtenkt. Eit verkemiddel ein legg merke til, er når ho skyver teksten bak personene for å vise at det som vert sagt forsvinn blant tankene til karakteren. Ho nytter også ruter som viser livet «i korte glimt». Dette er effektivt og gjer til at det ikkje kastes bort tid på uvesentlige hendingar, og som samtidig bind saman historia og fortida til karakterene.

Det er ein del tekst, hovedsaklig gjennom snakkebobler. Det er likevel overkommelig, sjølv for den som ikkje er så glad i å lese i det daglige.

Det er ein viktig historie Sandmæl serverer oss. Det handler om samhold, kjærleik og følelser. Vær den du er, og stå for det.
Forfatter har også små bi-historier som treff godt med sitt bodskap, og viser at personer nødvendigvis ikkje er onde berre for å være onde… Ho drar lesaren rett inn i handlinga, og sjølv for meg som er «godt vaksen», så gløymte eg både tid og stad medan eg las. For det er ein sterk, morosam og sår historie. Men akk, så viktig!

Eg syntes at enkelte karakterer var litt vanskeleg å skilje frå kvarandre. I mine auge burde forfatter hatt større variasjoner i utseende på dei, for det skapte litt forvirring her og der.

Språket er ungdommelig, og både fakter og oppførsel gjenspeiler målgruppa fint. Sidan boka fyrst og fremst handler om ein jentegjeng, så er det nærliggende å tru at den passar best for jenter. Det er også godt mogleg, men her vil alle få utbytte av historia, ung som vaksen og uavhengig av kjønn.

Det er ein befrielse å sjå at det finnes ein dyktig norsk illustratør og historieforteller som tar med seg det «norske» inn i handlinga. Ein ser at det foregår i Noreg, og det er små, men virkningsfulle detaljer i illustrasjonene som fremhever dette.

Eg må også benytte muligheten til å anbefale denne boka til alle dei som har ansvaret for skulebibliotek og vanlige bibliotek rundt om i kommunene. Dette er ei bok som definitivt bør være tilgjengelig for ungdom.

Det er lagt ned eit imponerende stykke arbeid i illustrasjonene. Sandmæl kunne enkelt ha forenkla dei, men då ville ikkje boka blitt like bra. Ho har med andre gått heilhjerta inn i historia og latt det ta den tida det tar. Sluttresultatet er hvertfall solid og noko ho absolutt kan være stolt av.

«Jenter» er ein viktig teikneserieroman for ungdom. Med sitt bodskap og ein vakker, sår og morosam historie, er dette ei bok som definitivt bør være tilgjengelig i alle kommuners skulebibliotek! I tillegg når den ut til ei heilt ny målgruppe med sin teikneserie. Måtte det komme fleire slike bøker frå Cathrine Sandmæl.

TERNINGKAST: 5